АҚШ Эронни ядро қуролига эга бўлишдан тўхтатиш учун куч ишлатиши мумкинлиги маълум қилинди
«Президент Трамп уларнинг ядро қуролига эга бўлишига ҳеч қачон имкон бермайди», — деди Хук. Унинг маълум қилишича, бунинг учун америкаликларнинг столида ҳар доим Эронга қарши ҳарбий ҳаракатлар сценарийси туради.
Хукнинг қўшимча қилишича, у Эронга қурол етказиб беришга қўйилган тақиқ узайтирилишга умид қилмоқда. Унинг умид билдиришича, Россия ва Хитой «барқарор Яқин Шарқни хоҳлагани» учун бу чорани қўллаб-қувватлайди.
Июнь ойининг бошида АҚШ давлат котиби Майкл Помпео Эрон ҳукумати ядро қуроли олиш учун зарур элементларни олишга уринаётганини, бироқ бунинг аксини тасдиқлаётганини маълум қилган.
АҚШ 1970 йиллардан буён Эронга қарши санкциялар жорий қилади. 2015 йилда тузилган ядро келишувига кўра, Эрон ўз ядро дастурининг бир қисмини тўхтатган, Вашингтон эса санкцияларнинг бир қисмини олиб ташлаган. Кейинроқ Трамп администрацияси Эрон ўз режаларидан воз кечмаган деб ҳисоблади ва босқичма-босқич санкцияларни қайта тиклашни бошлади. 2018 йилнинг ноябрида АҚШ чекловларни тўлиқ қайта тиклади. Шу йилда АҚШ ядро келишувидан чиқди.
Аввалроқ Эрон Қосим Сулаймонийнинг ўлими учун Трампни қамоққа олиш ҳақида ордер бергани ва Интерполга мурожаат қилгани ҳақида хабар берилганди.
Эслатиб ўтамиз, Трампнинг буйруғига кўра, 2020 йилнинг 3 январь куни генерал Қосим Сулаймоний Бағдодда ўлдирилган. АҚШ президенти Сулаймонийни террорчи деб атаган, Эрон генералнинг ўлими учун ўч олишга ваъда берган. Бу воқеа ортидан Эрон 2015 йил июлида имзоланган ядровий келишувдан тўлиқ чиққанини эълон қилди.
8 январга ўтар кечаси Эрон АҚШнинг Ироқдаги ҳарбий базаларига ракета зарбалари берган. Ракета зарбалари бериш чоғида Теҳрондан ҳавога кўтарилган «Украина халқаро авиалиниялари» компаниясининг Boeing 737 самолёти хатолик сабабли уриб туширилган. Самолёт бортида бўлган 176 киши ҳалок бўлган.
Шундан сўнг, АҚШ Эронга қарши янги санкцияларни жорий қилди. Эронда эса Трампни ўлдириш учун 3 миллион доллар мукофот эълон қилинди.
Кейинроқ Эронда генерал Сулаймонийнинг ортидан жосуслик қилишда айбланган фуқаро ўлимга ҳукм қилинди.
