AҚШ чет элдан келган қочқинларни қабул қилиш квотасини оширди
AҚШнинг янги маъмурияти чет элдан қочқинларни қабул қилиш квотасини кўпайтирмоқда ва бу йил уни 125 минг кишига етказмоқчи. Бу ҳақда мамлакат президенти Жо Байден AҚШ Ташқи ишлар вазирлигида ўзининг ташқи сиёсатининг асосий йўналишларини таништирган нутқи давомида маълум қилди, деб хабар бермоқда ТАСС.
«Бугун мен мисли кўрилмаган глобал эҳтиёжларни қондиришга ёрдам бериш учун қочқинларни қабул қилиш дастурини тиклаш бўйича оғир ишларни бошлайдиган фармонни имзолайман. Шунчалик жиддий зарар кўрган нарсаларни тиклаш учун вақт керак бўлади. Ушбу фармон биринчи тўлиқ молиявий йилда 125 минг қочқинларни қабул қилиш квотасини тиклашимизга имкон беради», — деди Байден.
Эслатиб ўтамиз, Дональд Трамп президентлиги даврида қочқинлар квотаси 2016 йил молиявий йилидаги 85 минг кишидан 2021 йилда 15 минг кишига камайтирилди. АҚШда молиявий йил 1 октябрдан бошланади.
