Андижонда 63 ёшли эркак 10-бор судланди
Халқимизда “букрини гўр тўғрилайди” деган ибора бор. Бежизга бу иборани келтирмадик, боиси Андижонлик 63 ёшли Жавлон Тошматов ҳам 10 маротаба суднинг қора курсисида мулзам, иқрор ва пушаймон.
Иш ҳолатларига кўра, Жавлон Тошматов хавфли рецидивист бўлган ҳолда, ўзганинг мулкини фирибгарлик йўли билан қўлга киритиш мақсадида, 2020 йилнинг январь ойида аслида Андижон шаҳар ҳокимининг 2017 йил 28 июндаги қарори билан Андижон шаҳрида яшовчи фуқаро О.Даминовга ажратилиб берилган 52-майдон 400 к.в метрдан иборат (к.в 416Б, уч.26) ер майдонини мазкур қарорнинг 1.7 бандига гўёки ўзининг номига 8-майдон 400 к.в метрдан иборат (к.в 630 уч. 238) ер майдони ажратилганлиги кўрсатилгани ҳақида қалбакилаштириб, О.Даминовнинг ишончига кириб, ер майдони ўзига тегишли эканини айтиб алдаб, 6.000 АҚШ долларга сотишга келишиб, келишувдаги пуллардан 3.000 АҚШ долларини олиб, ўзганинг мулкини фирибгарлик йўли билан қўлга киритган.
Суд давлат айбловчисининг хулосасини, ҳимоячи фикрини, судланувчи Жавлон Тошматовни, жабрланувчи Олим Даминовни, гувоҳларнинг кўрсатувларини тинглаб, жиноят иши ҳужжатларини ва судга тақдим этилган далилларни атрофлича ўрганиб чиқиб, Ж.Тошматовни Ўзбекистон Республикаси ЖК 168-моддаси 3-қисмининг “б” банди ва 228-моддаси 2-қисмининг “а” банди билан айбли деб топиб, жабрлавнучига етказилган зарарни ундириб, шу модда билан озодликдан маҳрум қилиш жазосини тайинлади.
Ҳусниддин Камолов,
Жиноят ишлари бўйича Бўстон туман суди раиси
