Анчелотти "Реал"да қанча қолмоқчи эканлигини айтди

"Реал" бош мураббийи Карло Анчелотти ҳозирча Мадрид клубини тарк этиш ниятида эмаслигини айтди. Ўтган мавсумда у жамоа билан Испания чемпионати ва Чемпионлар лигасида ғолиб чиқди.

"Мен "Реал Мадрид"да яна бир йил, кейин яна бир йил ва яна бир йил қолмоқчиман. Мен бу ерда эканлигимдан жуда хурсандман ва мамнунман", - дея Анчелотти сўзларини келтиради Rai Sport.

Ла Лиганинг 7-туридан кейин “Реал” 19 очко билан турнир жадвалида 2-ўринда бормоқда. “Барселона” 19 очко билан пешқадам.