Аграр университетнинг Самарқанд филиали ташкил этилди

Ҳукуматнинг тегишли қарорига (№556, 16.09.2020й) биноан, 2020/2021 ўқув йилидан бошлаб Тошкент давлат аграр университетининг Самарқанд филиали ташкил этилди.

Жорий йилда ушбу филиалга жами 515 та қабул квотаси ажратилди. Жумладан:

👉 бакалавр — 475 та (95 та давлат гранти, 380 та тўлов-контракт);
👉 магистратура — 40 та (барчаси давлат гранти).

Филиалда кредит-модуль тизими жорий этилади. Ҳафтада беш кунлик ўқиш бўлади ҳамда шанба куни мустақил ўзлаштириш куни деб белгиланади.

Филиалда Беларусь Республикасининг Гродно давлат аграр университети билан қишлоқ хўжалиги соҳасида қўшма таълим дастурлари (double degree) амалга оширилади.

Самарқанд вилояти Оқдарё туманидаги Самарқанд агроиқтисодиёт касб-ҳунар коллежи бинолари Филиалга оператив бошқарув ҳуқуқи асосида берилади.