Xitoyda 10 milliondan ortiq odam koronavirusga qarshi emlandi
Xitoyda 10 milliondan ortiq odam koronavirusga qarshi emlandi.
Bu haqda Xitoy Xalq Respublikasining Gigiyena va sog‘liqni saqlash davlat qo‘mitasining Kasalliklarni nazorat qilish boshqarmasi vakili Van Bin ma’lum qildi.
"2020 yil 15 dekabrdan boshlab 10 milliondan ortiq odam xastalikka qarshi vaksina oldi", deya ta’kidlagan Van Bin.
Qayd etilishicha, xastalikka qarshi birinchi navbatda shifokorlar, bojxonachilar, yuk ko‘taruvchilar, transport ishchilari, shuningdek, chet elga o‘qish yoki ishlash uchun ketishi kerak bo‘lgan shaxslar emlangan.
Xitoyda 97.095 kishida xastalik aniqlangan, 90.857 kishi sog‘aygan, 4794 kishi esa vafot etgan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
