Valyuta qimmatliklarini noqonuniy muomalaga kiritilishining oldi olindi
Bosh prokuratura huzuridagi Departamentning Termiz tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda valyuta ayirboshlash bilan shug‘ullanib kelgan I.R. va X.R. jami 4 100 AQSh dollarini fuqaro SH.J.ga 52,1 mln so‘mga sotgan vaqtlarida ashyoviy dalillar bilan ushlangan.
Shu kabi, Departamentning Chinoz tuman bo‘limi DXX va IIB xodimlari hamkorligida o‘tkazilgan tezkor tadbirda valyuta ayirboshlash bilan shug‘ullanib kelgan L.A. jami 3 600 AQSh dollarini fuqaro U.B.ga 45,7 mln so‘mga sotgan vaqtida ashyoviy dalillar bilan ushlangan.
Departamentning Nurafshon shahar bo‘limi tomonidan IIBB xodimlari bilan hamkorlikda o‘tkazilgan tezkor tadbirda valyuta ayirboshlash bilan shug‘ullanib kelgan G.S. jami 2 900 AQSh dollarini fuqaro SH.A.ga 37 mln so‘mga sotishga kelishib, shundan 2 800 AQSh dollarini bergan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
