“Uzbekistan Airways” Zominga muntazam parvozlarni yo‘lga qo‘ydi

“Uzbekistan Airways” Zominga muntazam aviaqatnovlarni yo‘lga qo‘ydi. Bu haqda aviakompaniya matbuot xizmatida xabar berildi.

Ta’kidlanishicha, parvozlar ertaga, 7 sentyabrdan boshlab amalga oshiriladi.

HY1001/1002 qatnovlari har kuni quyidagi yo‘nalishlarda amalga oshiriladi:

Toshkent – Zomin – Samarqand;

Samarqand – Zomin – Toshkent.

Ma’lum qilinishicha, bir tomonlama aviachipta narxi 105 000 so‘mdan boshlanadi.

Eslatib o‘tamiz, avvalroq Jizzax viloyatida Zomin aeroporti ochilgani xabar qilingan edi. Aeroport 30 o‘ringa mo‘ljallangan yo‘lovchi terminaliga ega.