Ukraina Rossiyani tribunalga topshirmoqchi

Ukraina tashqi ishlar vaziri o‘rinbosari Yevgeniy Yeninning so‘zlariga ko‘ra, 2018 yilda Kerch bo‘g‘ozida ro‘y bergan hodisa bo‘yicha Rossiya Federasiyasiga qarshi memorandum 22 may kuni Xalqaro dengiz tribunaliga topshirishga qaror qilingan. Bu haqda "Interfaks-Ukraina" yozmoqda.

Diplomatning ta’kidlashicha, "eng yaxshi dunyo amaliyotlari, shu jumladan, Yevropa inson huquqlari sudi amaliyoti" o‘rganilgan va Ukraina Kerch bo‘g‘ozida ushlab turilgan dengizchilar uchun Rossiyadan ma’naviy va moddiy kompensasiya talab qilmoqchi.