Turkiya kosmonavtlarni koinotdagi nurlanishdan himoya qiluvchi krem ishlab chiqdi

Istanbuldagi Biruniy universiteti olimlari astronavtlarni koinotdagi yuqori darajadagi nurlanishdan himoya qilish uchun mo‘ljallangan chayon terisi kremini ishlab chiqdi.

Ish universitet farmasiya fakulteti dekani, professor Ismoil Tunjer Degim rahbarligida amalga oshirildi.

Degim aerokosmik farmasiya sohasidagi tadqiqotlarga ixtisoslashgan.

«Anadolu» muxbiri bilan suhbatda u koinotda odamlar Yerdagidan ko‘ra ko‘proq radiasiya ta’siriga tushishini ta’kidladi. “Radiasiyaga eng chidamli xitin qatlamiga ega jonzotlar, jumladan chayonlardir. Chayonlarning o‘zlari teri ichidagi gialin qatlami tufayli nurlanishni o‘zlashtiradilar ", deb tushuntirdi u.

U chayon terisi ultrabinafsha nurlanish va nurlanishni aks ettirishini qo‘shimcha qilib, «Shunday ekan, chayon terisidan tayyorlagan malhamimiz tufayli odam ultrabinafsha nurlanish va nurlanishdan himoyalangan bo‘ladi», dedi.

Professorning so‘zlariga ko‘ra, siz kosmosda bo‘lganingizda Yerdagidan 10-50 baravar yuqori nurlanish dozasini olishingiz mumkin.

Ismoil Tuncer Degimning aytishicha, Biruniy universitetida aerokosmik farmasevtika bo‘yicha tadqiqotlar 2018 yildan beri olib borilmoqda.