Taniqli aktyor vafot etdi. Sababi noma’lum

Fransuz teatr va kino aktyori Jan-Pol Belmondo vafot etdi. Bu haqda Fransiyaning AFP agentligi xabar tarqatdi.

O‘lim sababi aniqlanmagan. Aktyor 88 yoshda edi.

Belmondoning advokatiga ko‘ra, aktyor 6 sentyabr kuni Parijdagi uyida vafot etgan. "U oxirgi paytlarda juda charchagandi. U tinchgina ketdi”, - dedi advokat.

2001 yildan 2008 yilgacha aktyor insult oqibatida filmlarda rol o‘ynamadi, keyin sahnaga qaytdi. 2015 yilda u kino karyerasini tugatganini e’lon qildi, lekin ikki oy o‘tgach, fikridan qaytganini va agar takliflar bo‘lsa, ularni ko‘rib chiqishga tayyorligini e’lon qildi. Belmondo turli kino mukofotlari laureati bo‘ldi.