Rossiya va Misr o‘rtasidagi savdo aylanmasi 30 foizga oshgan

Bosh vazir o‘rinbosari – Sanoat va savdo vazirligi rahbari Denis Manturov 2022 yilda Rossiya va Misr o‘rtasidagi tovar ayirboshlash hajmi 6 milliard dollardan oshganini ma’lum qildi.

“O‘tgan yil Rossiya va Misr o‘rtasidagi tovar ayirboshlash hajmi 30% ga oshdi, bu dollarda 6 milliarddan oshdi, ammo biz progressiv o‘sishni davom ettirishni kutmoqdamiz”, — deya uning so‘zlaridan iqtibos keltiradi RIA Novosti.

Manturovning qo‘shimcha qilishicha, Rossiya Misr qishloq xo‘jaligi mahsulotlarini import qilishdan manfaatdor.