Rossiya Premyer-ligasida ilk futbolchi koronavirusga chalindi
Moskvaning «Lokomotiv» klubi hujumchisi Jefferson Farfanning koronavirusga topshirgan testi ijobiy chiqdi, deya xabar bermoqda Baza.
Perulik 35 yoshli forvard Rossiya Premyer-ligasida koronavirus yuqtirgan dastlabki futbolchiga aylandi. Manbada aytilishicha, futbolchida 15 may kuni pnevmaniya aniqlanib, so‘ng koronavirus yuqtirganligi ma’lum bo‘lgan. Farfan 22 martdan buyon Moskva viloyatidagi uyida yashayotgandi.
«Lokomotiv» klubi ham legioner futbolchisining infeksiyaga chalinganligini tasdiqladi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
