"Real"ning La-Ligaga iltimosi qanoatlantirildi
La-Liga matbuot xizmati “Real” va “Real Sosyedad” o‘rtasidagi milliy chempionat uchrashuvi bir kun oldin o‘tkazilishi haqida xabar berdi.
Ushbu uchrashuv 27 aprel, shanba kuni bo‘lib o‘tishi kerak edi, biroq yangi sanaga ko‘ra 26 aprel, juma kuni bo‘lib o‘tadi.
Bu qaror Madrid klubining iltimosiga ko‘ra qabul qilindi, chunki 30 aprel, seshanba kuni Germaniyada “Real” va “Bavariya” o‘rtasidagi Chempionlar ligasi yarim finalining birinchi o‘yini bo‘lib o‘tadi.
Avvalroq “Los-Blankos” “Manchester Siti”ni mag‘lub etib, turnirning yarim finaliga yo‘l olgandi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
