"Real" muxlislari Benzema bilan xayrlashishga tayyorlanmoqda

Hujumchi Karim Benzema "Real"dan ketishga juda yaqin turibdi.

Forvard Saudiya Arabistonidan kattagina taklif olgan. Futbolchi atrofidagilar Karim ketishga qaror qilishi mumkinligini yashirmayapti. O‘z navbatida, klub prezidenti Florentino Peres o‘zaro uchrashuvda hujumchining har qanday qarorini hurmat bilan qabul qilishini ma’lum qilgan.

Benzema La Liga 38-turi doirasida "Atletik Bilbao"ga qarshi uchrashuvgacha yakuniy qaror qabul qilishi kutilmoqda. O‘z o‘rnida, "Real" muxlislari fransiyalik uchun xayrlashuv aksiyasini tayyorlashga kirishgan.