Qur’oni Karimda zikr qilingan payg‘ambarlar

Qur’oni  Karimda zikr qilingan payg‘ambarlar
    
1. Odam alayhissalom. (Bashariyat otasi). 1000 yil yashaganlar. Hindistonga yo Makka yoki Baytul Maqdisga dafn qilinganlar degan xabarlar bor.

2. Idris alayhissalom. 865 yil umr ko‘rganlar.

3. Nuh alayhissalom. 950 yil yashaganlar. Kufadagi masjid yo Masjidul Haromga dafn qilinganlar degan xabarlar bor.

4. Hud (Abir) alayhissalom. 464 yil yashaganlar. Sharqiy Hazra mavtga (Yaman) dafn qilinganlar.

5. Solih alayhissalom. Ularning nechi yil umr ko‘rganlari haqida kitoblarda zikr qilinmagan. Qabrlari Yaman hududida.

6. Lut alayhissalom. Nechi yil yashaganlari haqida ma’lumotlar mavjud emas. Sov’ar qishlog‘iga dafn qilinganlar deyiladi. (Qaysi davlat hududiga to‘g‘ri kelishi noma’lum).

7. Ibrohim alayhissalom. (Payg‘ambarlarning otasi). 200 yil yashaganlar. (Nuh alayhissalom davrlaridagi to‘fondan) 1263 yildan so‘ng tug‘ilganlar. Falastinga dafn qilinganlar. Birinchi ayollari Sora onamizning qabrlari ham Falastinda.

8. Ismoil alayhissalom. 137 yil yashaganlar. Makkaga, onalari Hojarning yoniga dafn qilinganlar.

9. Ishoq alayhissalom. 180 yilib yashab, Falastinda, Otalari Xalil Ibrohimning yonlariga dafn qilinganlar.

10. Yaqub (Isroil) alayhissalom. 147 yil yashab, Misrga dafn qilinganlar. Vasiyatlariga ko‘ra, keyinchalik qabrlarini o‘g‘illari Yusuf alayhissalom Falastinga Ibrohim alayhissalomning yonlariga ko‘chirganlar.

11. Yusuf (To‘g‘riso‘z, Sodiq). 110 yil yashaganlar. Misrga dafn etilganlar. Keyinchalik aka - ulari Falastinga qabrlarini ko‘chirishgan. (Shunday vasiyat qilganlar.)

12. Shu’ayb alayhissalom. Umrlari haqida ma’lumot yo‘q. Falastinga dafn 
qilinganlar.

13. Ayyub alayhissalom. 93 yil yashaganlar. Damashq yaqinidagi Shayx Sa’d qishlog‘iga dafn qilinganlar.

14. Zul Kifl (Bashar) alayhissalom. Umrlari haqida ma’lumot yo‘q. Misrda tug‘ilganlar. Siynoda vafot etganlar. Shom yerlariga dafn qilingan degan ma’lumotlar bor.

15. Yunus alayhissalom. Umrlarining muddati va qabrlarining zikri kelmagan.

16. Muso alayhissalom. 120 yil yashaganlar. Siynoda vafot etib, shu yerga dafn qilinganlar.

17. Horun alayhissalom. 122 yil umr ko‘rganlar. Siynoda vafot etib, o‘sha yerga ko‘milganlar.

18. Ilyas alayhissalom. Umrlari haqida ma’lumot yo‘q. Banu Isroil Falastin yerlariga kirgandan so‘ng tavallud topganlar. Qabrlari Ba’alabakka (Liviya) da.

19. AlYAsa’ alayhissalom. Umrlarining zikri kelmagan. Qavmlarining isyonidan keyingi hayotlari haqida ma’lumotlar mavjud emas.

20. Dovud alayhissalom. 100 yil yashab, 40 yil podshohlik qilganlar.

21. Sulaymon alayhissalom. 52 yil yashaganlar. 12 yoshlarida otalaridan podshohlik qoladi. Taxtga o‘tirdilar. 40 yil boshqardilar.

22. Zakariyo alayhissalom.  150 yil yashaganlar. O‘g‘illari Yahyo alayhissalomni o‘ldirganlar tomonidan arra bilan arralanib o‘ldirilganlar.

23. Yahyo alayhissalom. Umrlari haqida ma’lumot yo‘q. Iyso alayhissalom tug‘ilgan yili tug‘ilganlar. Bir fojir ayolning istagi ila zolim podshoh tomonidan mehrobda o‘ldirilganlar. Boshlari Damashqdagi jome’ga dafn qilingan deyilgan.

24. Iyso alayhissalom. Yer yuzida 33 yil yashaganlar. Payg‘ambar qilib yuborilganlaridan uch yil o‘tib, Alloh u kishini ko‘tardi. Undan keyin volidalari Maryam onamiz 6 yil yashadilar. 53 yoshda vafot etdilar.

25. Muhammad Rosululloh sollallohu alayhi va sallam. 571 yili Makkada tavallud topdilar. 63 yoshda vafot etdilar. Oisha onamizning hujralari (Masjidun Nabaviy) ga dafn qilinganlar.