Putin BRIKS sammitida hibsga olinishi mumkin(mi?)

Avgust oyida BRIKS mamlakatlari yetakchilari Janubiy Afrikada uchrashadi va u yerga Xalqaro jinoiy sud tomonidan hibsga olinishi uchun order bergan Rossiya prezidenti ham taklif etilgan.

"Janubiy Afrika hukumati Xalqaro jinoiy sud qarorini Rossiya tomoni bilan muhokama qilishni rejalashtirmoqda", — deya ma’lum qildi tashqi ishlar va hamkorlik vaziri Naledi Pandor.

Avvalroq Janubiy Afrika prezidenti matbuot kotibi mamlakat rasmiylari sud qarorini e’tiborga olganini ma’lum qilgandi.

"Pretoriya hukumati o‘zining qonuniy majburiyatlarini biladi va sammit oldidan tegishli manfaatdor tomonlar bilan hamkorlik qiladi", — deya qo‘shimcha qildi u.