Peskov Tog‘li Qorabog‘dagi vaziyat haqida bayonot berdi

Rossiya Prezidenti matbuot kotibi Dmitriy Peskovning Tog‘li Qorabog‘dagi vaziyat haqidagi asosiy bayonotlari:

— Kreml mintaqadagi keskin eskalasiyadan xavotirda, hozir asosiysi Yerevan va Bokuni kuch ishlatish usullaridan voz kechishga ishontirish;

— Ozarbayjon Qurolli kuchlari mintaqadagi tinch aholi xavfsizligini ta’minlash choralarini ko‘rishi kerak;

— Rossiya harbiylari hozirda Armaniston va Ozarbayjon tomonlari bilan eng yuqori darajada aloqada bo‘lib turibdi;

— Muammoni siyosiy va diplomatik yo‘l bilan hal qilish imkoniyati mavjud;

— Kreml Yerevan va Bokuni avval imzolangan uch tomonlama hujjatlarga amal qilishga chaqiradi;

— Tog‘li Qorabog‘dagi Rossiya tinchlikparvar kuchlarning xavfsizligi Kreml uchun ustuvor masala, biroq hozircha ularning hayotiga tahdidlar haqida hech qanday ma’lumot kelib tushmadi.