Olmazor tumanidagi moy ishlab chiqarish sexida yong‘in sodir bo‘ldi

Avval xabar berganimizdek, bugun, 17 sentyabr kuni soat 18:07da Toshkent shahar Olmazor tumani Qizg‘aldoq ko‘chasida joylashgan moy ishlab chiqarish sexi xududida 4 ta rezervuarda neft maxsuloti yongan.

Shunga ko‘ra yong‘in-qutqaruv ekipajlari soat 18:17 da voqea joyiga yetib borib, yong‘in soat 18:55 da o‘rab olingan va soat 18:58 da o‘chirilgan.

Hodisa joyiga O‘zbekiston Respublikasi FVV rahbariyati, Toshkent shahar FVB va tuman FV bo‘limi rahbar xodimlari yetib borgan.

Yong‘inni bartaraf etishga 7 ta yong‘in-qutqaruv ekipaji, 1 ta ko‘pik xosil qiluvchi avtomobil, 2 ta avtonarvonlar jalb etilgan.

Yong‘in oqibatida fuqarolarni tan jarohati olish va halok bo‘lish xolatlari to‘g‘risida xabar kelib tushmagan.

Hozirda yong‘inning kelib chiqish sababi va keltirilgan moddiy zarar miqdori aniqlanmoqda.