Nahotki! COVID-19 sabab erkak qushlar yanada jozibali va yumshoqroq kuylashmoqda

San-Fransiskodagi amerikalik ekologlar so‘nggi paytlarda erkak qushlarning urg‘ochi qushlarni jalb qilish uchun yumshoqroq kuylay boshlaganligini ma’lum qilishdi.

Bu haqda “phys.org” saytida xabar berildi.

Mutaxassislarning fikriga ko‘ra, bunga COVID-19 koronavirusining yangi turi pandemiyasi sharoitida joriy etilgan karantin va cheklovlar sabab bo‘lgan.

Ta’kidlanishicha, ilgarilari shovqin tufayli qushlar balandroq qo‘shiq aytishga majbur bo‘lishgan. Biroq San-Fransiskodagi karantin sharoitida, ekologlarning kuzatuviga ko‘ra, erkak qushlar deyarli uch baravar pastroq va yumshoqroq kuylashga o‘tishgan.

Bundan tashqari, taqdim etilgan tadqiqot natijalarida mutaxassislar qushlar atrofdagi o‘zgarishlarga tezda moslasha olishlarini ta’kidlashgan.