Messining o‘rnini egallay oladigan yagona futbolchi aytildi
«Barselona» klubi tarbiyalanuvchilari Tiago Alkantara va Rafinining otasi, futbol agenti sanalmish Mazinyoni aytishicha, Messining «Barsa»dagi o‘rnini faqatgina Neymar bilintirmasligi mumkin.
«Neymar «Barselona» safiga kelib qo‘shilsa, butun jamoa xursand bo‘lardi. U Messi uchun haqiqiy o‘rinbosar. Neymar Leoning o‘rnini egallay oladigan dunyodagi yagona futbolchi. Ayni paytda boshqa da’vogar ko‘rmayapman.
Rafinya va Tiago ham Kataloniyaga qaytishga yo‘q demasdi. Axir, ular anchadan buyon boshqa klublarda to‘p surishmoqda. Agar ular «Barselona»ga kerak bo‘lishsa, qaytish amalga oshishi mumkin», – deydi Mazinyo Mundo Deportivo nashriga.
Ma’lumot uchun, Neymar 2013-2017 yillar davomida «Barselona»da Messi bilan birga to‘p surgan. Braziliyalik hujumchi ushbu mavsumda Parij klubi safida 15 o‘yinda 13ta gol va 6ta golli uzatmaga mualliflik qildi.
