Londonda har beshinchi bola mablag‘ yetishmasligi sababli to‘yimli ovqat iste’mol qila olmaydi

Londonda har beshinchi bola mablag‘ yetishmasligi sababli to‘yimli ovqat iste’mol qila olmaydi

Londonda har beshinchi bola oilada mablag‘ yetishmasligi sababli to‘yimli ovqat iste’mol qila olmaydi, deya xabar beradi Metro gazetasi.

Childhood Trust xayriya tashkiloti ma’lumotlariga ko‘ra, Buyuk Britaniya poytaxtidagi yarim millionga yaqin bolalar oziq-ovqat narxining oshishi tufayli to‘yib ovqatlanmaslik xavfi ostida.

Ta’kidlanishicha, o‘smirlarning 40 foizi normal o‘sish va rivojlanish uchun muntazam va to‘yimli oziq-ovqat etishmasligidan aziyat chekmoqda.

Bunday hayratlanarli xulosa 7-16 yoshli 280 nafar bola o‘rtasida o‘tkazilgan so‘rovnoma asosida tuzilgan.

Agar biz ushbu ma’lumotlarni London aholisiga ekstrapolyasiya qilsak, 426 mingdan ortiq bola sog‘lom oziq-ovqat etishmasligini boshdan kechiradi deb taxmin qilish mumkin.

Buyuk britaniyalik deputat Reychel Rivzning aytishicha, inflyasiya ortib borayotgani sababli britaniyaliklar oziq-ovqat sotib olish yoki uylarini isitish o‘rtasida tanlov qilishga majbur.

Salvation Army xayriya tashkiloti tomonidan o‘tkazilgan alohida so‘rov shuni ko‘rsatadiki, britaniyalik kattalarning uchdan ikki qismi Rojdestvo bayramida kechki ovqatni sotib olish imkoniyatiga ega emasligiga ishonchlari komil emas.

Ularning aksariyati muhtojlarga bepul oziq-ovqat tarqatadigan oziq-ovqat banklaridan foydalanishni rejalashtirmoqda.

Eslatib o‘tamizki, Buyuk Britaniyada oziq-ovqat narxlari so‘nggi 45 yil ichida eng tez sur’atlarda o‘sib bormoqda. Yashash narxining keskin oshishi britaniyaliklarga qattiq ta’sir qildi, ular daromadlarining deyarli yarmini oziq-ovqat va energiyaga sarflaydi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!