Jo Bayden X'da HAMAS va urush haqida yozdi. Jahon matbuoti va ijtimoiy tarmoqlarni u nimani nazarda tutgani qiziqtirmoqda

AQSh prezidenti Jo Bayden bir necha soat oldin ilgari Twitter nomi bilan tanilgan X ijtimoiy tarmog‘ida HAMAS motivlari va urush haqida tvit e’lon qildi. Tvitning so‘zlari ijtimoiy tarmoqlar va jahon matbuotida bu AQShning Isroilga nisbatan siyosatidagi o‘zgarishmi yoki, masalan, saylov kampaniyasining bir qismimi, degan savolni qoldirmoqda.

AQSh prezidentining rasmiy akkauntida emas, Baydenning shaxsiy akkauntida chop etilgan tvit HAMASning Isroilga reydni isroilliklar va falastinliklar o‘rtasida tinchlik o‘rnatilishidan qo‘rqqanligi sabab boshlagani haqidagi bayonot bilan boshlanadi.

"Terror, zo‘ravonlik, qotillik va urush yo‘lida davom etish HAMASga xohlaganini berish demakdir. Biz bunday qila olmaymiz", — deb davom etdi Bayden postida.

BBCning qayd etishicha, bu so‘zning ohangi Vashingtonning rasmiy bayonotlaridan tubdan farq qiladi, ular Isroilning HAMAS yo‘q qilinmaguncha yoki hech bo‘lmaganda G‘azo sektoridan chiqarib yuborilmaguncha urushni to‘xtatib bo‘lmaydi, degan pozisiyasini qo‘llab-quvvatlaydi.

"Keyingi yilgi saylovga tayyorgarlik ko‘rayotgan Bayden o‘z ma’muriyatini Isroilni so‘zsiz qo‘llab-quvvatlayotgani uchun tanqid qiladigan mahalliy auditoriyaga murojaat qilyaptimi yoki yo‘qmi, noma’lum", — deydi nashr.

Al-Jaziraning Vashingtondagi muxbirining ham qayd etishicha, Bayden shu paytgacha G‘azodagi urush haqida butunlay boshqacha ohangda gapirgan.

“Va endi, agar siz ushbu bayonotni ijtimoiy tarmoqlarda tahlil qilsangiz, Bayden HAMAS urushni xohlaydi, biz bunga yo‘l qo‘ya olmaymiz, deyapti. Urush tugashi kerak deganimi? — Al-Jazira muxbiri Baydenning bayonoti siyosatdagi o‘zgarishlar signaliga o‘xshaydi, ammo baribir ko‘plab savollar tug‘diradi, deb ta’kidlaydi.