Janubiy Koreyadagi xorijiy ishchilar soni ilk bor bir milliondan oshdi

Janubiy Koreyada mehnat qilayotgan xorij fuqarolari soni rekord darajaga yetdi va ilk bor 1 milliondan oshdi, deb xabar beradi Yonhap.

Koreya statistika ma’lumotlariga ko‘ra, may oyi holatiga ko‘ra, mamlakatda yashovchi 15 va undan katta yoshdagi 1,56 million xorijliklarning 1,01 millioni yoki 64,7 foizi ish bilan ta’minlangan.

Bu ko‘rsatkich o‘tgan yilga nisbatan 87 ming kishiga yoki 0,2 foizga oshgan.

Xorijiy ishchilarning 73,2 foizi 50 nafardan kam ishchisi bo‘lgan korxonalarda, yana 24,1 foizi esa 50 dan 299 nafargacha ishchisi bo‘lgan korxonalarda ishlagan. Faqat 2,7 foizi 300 dan ortiq xodimga ega yirik kompaniyalarda ishlagan.

Koreyada 2012 yildan buyon olib borilayotgan statistik ma’lumotlarga ko‘ra, 2012 yilda xorijiy xodimlarning 79,1 foizi kichik korxonalarda, 3,4 foizi esa yirik korporasiyalarda ishlagan. So‘nggi o‘n yillikda bu ko‘rsatkich sezilarli darajada o‘zgarmadi.

Ma’lumotlarga ko‘ra, Janubiy Koreyadagi barcha xorijliklarning qariyb 51,2 foizi oyiga 2 milliondan 3 million vongacha (1392 — 2089 dollar), 37,1 foizi esa 3 million von ishlab topgan.