Italiyada o‘rtacha oila uchun elektr to‘lovlari 59 foizga oshadi

Italiyaning energetika, tarmoq va atrof-muhitni tartibga soluvchi «Arera» mamlakatda elektr energiyasi narxi o‘sishda davom etishini va o‘rtacha oila uchun to‘lov 59 foizga oshishini ma’lum qildi, deya xabar beradi Kazinform muxbiri.

Italiya rasmiylariga ko‘ra, energiya narxining o‘sishini cheklash bo‘yicha favqulodda choralar ko‘rilmaganida, narxning oshishi 100 foizni tashkil qilgan bo‘lar edi. Joriy yilda mamlakat hukumati energiya narxining keskin oshishi oqibatlarini yumshatish choralariga 60 milliard yevrodan ortiq mablag‘ ajratdi.

«Arera» mintaqaviy direktori Massimo Ricci Italiya elektr energiyasi uchun «hech qachon bo‘lmaganidek» to‘lanishini aytdi.

Italiyaning navbatdagi Bosh vaziri bo‘lishga tayyorlanayotgan «Italiya birodarlari» matbuot kotibi Jorja Meloni energiya narxining oshishiga qarshi kurashda milliy manfaatlarni birinchi o‘ringa qo‘yishga va’da berdi.

U Milanda bo‘lib o‘tgan qishloq xo‘jaligi yarmarkasida fermerlar bilan suhbatlashdi va Italiya sanoati va qishloq xo‘jaligini energiya narxlarining ko‘tarilishi ta’siridan, shuningdek, koronavirus pandemiyasining qoldiq ta’siridan va o‘tgan yozdagi rekord issiqlik to‘lqinidan himoya qilishini ta’kidladi.