Iroq Bosh vaziri Sudani: Rivojlanish yo‘li loyihasi mintaqada xavfsizlik va barqarorlikni qo‘llab-quvvatlaydi
Iroq Bosh vaziri Mohammed Shia al-Sudani, Rivojlanish yo‘li loyihasining g‘arb va sharqni bog‘laydigan «iqtisodiy daryo» ekanligini va loyihaning mintaqada xavfsizlik va barqarorlikni saqlashini aytdi.
Sudani, Bag‘doddagi Hukumat saroyida Prezident Erdo‘g‘an bilan uchrashuvdan keyin uyushtirilgan mushtarak matbuot anjumanida bayonot berdi.
Turkiya bilan turli sohalarda mushtarak shartnomalar imzolaganliklarini ifoda etgan Sudaniy: “Bugun biz «Taraqqiyot yo‘li» loyihasi tamoyillarini o‘z ichiga olgan to‘rt tomonlama anglashuv memorandumini imzoladik” dedi. Taraqqiyot yo‘li loyihasi xuddi Dajla va Furot daryolarining Turkiyadan oqib o‘tib Iroqqa yetib borishi kabi g‘arb va sharqni bog‘laydigan iqtisodiy daryodir. Bu yo‘l Iroqdan Turkiyaga, u yerdan Yevropaga olib boradi. Shuningdek, ushbu loyiha mintaqa xalqlari va ularning madaniyatlarini bir-biriga yaqinlashtiradi va turli sohalarda hamkorlikni rivojlantiradi. «Taraqqiyot yo‘li» loyihasi mintaqada xavfsizlik va barqarorlikni ta’minlashga xizmat qiladi”.
Iroq Bosh vaziri, suv sathida ham shartnomalar imzolaganliklarini ta’kidlab, so‘zlarini quyidagicha davom ettirdi:
“Ushbu (suv) kelishuvlari irrigasiya tizimlarini yangilaydi. Bu kelishuv Iroqning suv ulushiga ham ijobiy ta’sir qiladi va qo‘shni davlat Turkiyaga foyda keltiradi. Biz (Iroq va Turkiya) bir-birimiz bilan bitta hayot chizig‘i bilan bog‘langanmiz, chunki suv yuqoridan (Turkiya) quyi oqimga (Iroq) oqadi.
