Hindiston 10 yil ichida koinotga yettita kosmik ekspedisiya jo‘natmoqchi

Hindiston kelgusi 10 yil davomida yaqin va uzoq koinotni o‘rganish uchun yettita uchuvchisiz kosmik ekspedisiyani amalga oshirmoqchi. Bu haqda Hindiston kosmik tadqiqotlar tashkiloti (ISRO)ga tayanib The Economic Times gazetasi xabar berdi.

Ma’lum qilinishicha, ayni paytda ISRO iyul oyida Oyga Chandrayan-2 ekspedisiyasini uchirishga tayyorgarlik ko‘rmoqda.

2020 yilda kosmik radiasiyani o‘rganish bilan shug‘ullanuvchi Xposat avtomatik stansiyasi parvoz qiladi. 2021 yilda esa Quyoshni o‘rganish uchun Aditya L1 kosmik stansiyasi koinotga yo‘llanadi.

ISRO shuningdek, Venera, Mars sayyoralariga ekspedisiya uyushtirmoqchi. Bundan tashqari, 2028 yilga qadar Quyosh tizimi tashqarisini o‘rganish uchun Exoworlds avtomatik stansiyasini ham jo‘natish rejalashtirilgan.

Manba: kun.uz