Hazoraspda zaxiradagi yer maydonini sotmoqchi bo‘lgan firibgarlar ushlandi

Bosh prokuratura huzuridagi Departament hamda DXXning Hazorasp tumani bo‘limlari tomonidan o‘tkazilgan tezkor tadbirda, fuqarolar D.A. va Q.I.lar fuqaro G‘.ning ishonchiga kirib, unga turar joy qurish uchun tuman hokimligi zaxirasida bo‘lgan 8 sotix yer maydonini tanishlari orqali rasmiylashtirib olib berish evaziga 10 000 AQSh dollarini firibgarlik yo‘li bilan olgan vaqtida ashyoviy dalillar bilan ushlanganlar.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.