Havoni ifloslantiruvchi mayda dispersli zarralar ta’siri natijasida har yili 7 mln kishi halok bo‘ladi
Dunyo aholisining qariyb 91 foizi havo sifati JST tavsiya qilgan chegaralardan past bo‘lgan joylarda yashaydi. Havoni ifloslantiruvchi mayda dispersli zarralar ta’siri natijasida har yili 7 mln kishi halok bo‘ladi.
✅So‘nggi yillarda O‘zbekiston hukumati atrof-muhitni muhofaza qilish, jumladan, atmosfera havosi sifatini yaxshilash muammosiga e’tiborni kuchaytirdi. Tegishli normativ-huquqiy hujjatlar qabul qilinib, ifloslantirishda aybdor bo‘lganlar uchun javobgarlik choralari kuchaytirilmoqda.
🗓 Ekologiya, atrof-muhitni muhofaza qilish va iqlim o‘zgarishi vazirligi mutaxassislarining fikricha, quyidagilar Toshkent shahrida havo ifloslanishining asosiy omillari hisoblanadi: daraxtning noqonuniy kesilishi; shaharsozlik bosh rejalarini tasdiqlamay turib qurilish ishlarini olib borish; transport vositalari tomonidan atmosfera havosiga chiqariladigan ifloslantiruvchi moddalar hajmining ortishi;
iqtisodiyot tarmoqlari va aholi uchun uglevodorodlardan foydalanish hajmining o‘sishi; mavjud issiqlik markazlari tomonidan mazutdan qo‘shimcha yonilg‘i sifatida foydalanish.
〰️AI-80 benzini ekologik jihatdan zararli bo‘lib, ko‘pgina rivojlangan mamlakatlar undan bir necha yil avval voz kechgan. Zararli benzin nafaqat tabiatga zarar yetkazadi, balki avtomobillarning texnik holatiga ham salbiy ta’sir ko‘rsatadi.