Germaniya polisiyasi G‘alaba kunida Berlinda 10 kishini hibsga oldi

Germaniya polisiyasi Berlinda 9 mayga bag‘ishlangan namoyishlar chog‘ida o‘n nafar fuqaroni hibsga oldi.

Bu haqda Bild yozmoqda.

Poytaxt huquq-tartibot idoralari xodimlari G‘alaba kunini nishonlash oldidan Rossiya va SSSR bayroqlarini, Georgiy lentalarini, Z va V belgilarini ko‘rsatish, harbiy kiyim kiyish, harbiy marsh va qo‘shiqlar ijro etishni taqiqlagan edi.

Bild nashrining yozishicha, bir necha kishi belgilangan qoidalarni buzgan.

"Jami o‘n kishi hibsga olingan", deb yozadi jurnalistlar.