Falastinlik nogiron bolaning surati World Press Photo yilning eng yaxshi g‘olibi bo‘ldi

Nufuzli World Press Photo fotojurnalistika tanlovi bosh mukofotni Isroilning G‘azodagi aholi punktlariga qilgan havo hujumi vaqtida ikki qo‘lidan ayrilgan 9 yoshli Mahmud Ajo‘rning surati bilan taqdirladi.

"Ushbu fotosurat so‘zsiz gapiradi. "Bu nafaqat bitta bolaning hikoyasi, balki oqibatlari ko‘plab avlodlar taqdirida aks-sado beradigan buyuk urushning aksidir ", dedi WPP bosh direktori.

Asar muallifi, fotojurnalist Samara Abu Eloufa Mahmud bilan qochqin sifatida evakuasiya qilingan Qatarda uchrashgan. Tashkilot ma’lumotlariga ko‘ra, bola 2024-yilning mart oyida nogiron bo‘lib qolgan: “U oilasiga qo‘ng‘iroq qilish uchun o‘girilganidan so‘ng, portlash natijasida uning bir qo‘li yirtilgan, ikkinchisi esa mayib bo‘lgan”.

"Bu bolaning taqdiri mulohaza yuritishga arziydi. Bu surat fotojurnalistikaning qudratini namoyish etadi: u murakkab voqeaning ko‘p qirrali ko‘rinishini taqdim etadi va tomoshabinni uning kontekstiga chuqurroq kirib borishga undaydi", - deydi hakamlar hay’ati raisi, Le Monde fotografiya bo‘yicha direktori Lyusi Konticello.

O‘t ochishni to‘xtatish to‘g‘risidagi kelishuvga qaramay, Isroil 18 mart kuni qamal ostidagi G‘azoda janglarni davom ettirdi va shundan so‘ng 1500 dan ortiq falastinlikni o‘ldirdi, 3800 dan ortig‘ini yaraladi.

Shu hafta Isroil Mudofaa vaziri Isroil Kats yahudiy davlati blokadadagi anklavga insonparvarlik yordamini qayta tiklamasligiga va’da berdi.

"Bayonotimda aytib o‘tganimdek, Isroilning siyosati aniq va G‘azoga hech qanday insonparvarlik yordami kelmaydi. "Hozirgi haqiqatda hech kim G‘azoga gumanitar yordam yetkazmoqchi emas va hech kim bunday yordamni olib kirishga hozirlik ko‘rayotgani yo‘q", dedi u.