Evropa Ittifoqi va Fors ko‘rfazi davlatlari o‘rtasida birinchi mintaqaviy xavfsizlik forumi bo‘lib o‘tdi

Lyuksemburgda Yevropa Ittifoqi va Fors ko‘rfazi hamkorlik kengashi o‘rtasida mintaqaviy xavfsizlik forumi bo‘lib o‘tdi.

Tadbir so‘ngida Yevropa Ittifoqining tashqi ishlar va xavfsizlik siyosati bo‘yicha Oliy vakili Xosep Borrel bunday formatdagi forumga birinchi marta raislik qilayotganini aytdi.

«Tinchlik davrida biz inqirozlarni hal qilish, keskinlashuvning oldini olish va xavfsizroq va barqaror xalqaro muhitni saqlab qolish uchun har qachongidan ham ko‘proq hamkorlik qilishimiz kerak», deb yozdi Borrell ijtimoiy tarmoqda.

Forum ochilishida Borrell kun tartibida Yaqin Sharq, ayniqsa G‘azo sektoridagi o‘zgarishlar va Ukrainadagi vaziyat muhokama qilinishini aytdi.

Isroil va Eron o‘rtasidagi taranglikka to‘xtalgan Borrell, mintaqadagi taranglikni kamaytirish uchun Fors ko‘rfazidagi sheriklar bilan qanday hamkorlik qilish kerakligini muhokama qilishlarini aytdi.

Borrell Yevropa Ittifoqi Komissiyasining YEI doirasidagi Fors ko‘rfazi mamlakatlariga ko‘p martalik vizalar berish qoidalarini sinxronlashtirish qaroridan mamnun ekanligini aytdi.

Forumda Yevropa Ittifoqi va Fors ko‘rfazi mamlakatlari tashqi ishlar vazirlari ishtirok etdi.