Eron Rossiyadan ilg‘or havo mudofaa tizimlarini so‘radi

Eron hukumati Isroil bilan ehtimoliy urushga tayyorgarlik ko‘rish maqsadida Rossiyadan ilg‘or radarlar va havo hujumidan mudofaa tizimlarini so‘ragan.

Bu haqda The New York Times o‘z manbalariga tayanib xabar berdi.

Ikki nafar Eron rasmiysi, ulardan biri Islom inqilobi qo‘riqchilari korpusi a’zosi, Eron Rossiyadan ilg‘or havo hujumidan mudofaa uskunalarini so‘raganini tasdiqladi.

Maxsus tizimlarning nomi aytilmagan, ammo bu Rossiyada ishlab chiqarilgan havo kuzatuvi radar tizimlari va havo mudofaa tizimlariga tegishli.

Bu so‘rov Rossiya sobiq mudofaa vaziri Sergey Shoyguning Eronga tashrifi chog‘ida bildirilgan. U mamlakatning yangi prezidenti Masud Pezeshkian va boshqa rasmiylar bilan uchrashgan.

OAVning qayd etishicha, bu talab Isroilga qarshi harbiy operasiyaga tayyorgarlikning bir qismi bo‘lishi mumkin, bu esa o‘tgan hafta Eronda Hamas siyosiy yetakchisi Ismoil Haniyaning o‘ldirilishi uchun qasos re’jasidir.