Donesk bozoridagi otishmada 6 nafar tinch fuqaro halok bo‘ldi

Ukraina Qurolli kuchlari tomonidan Donesk bozorining o‘qqa tutilishi oqibatida olti nafar tinch aholi vakili qurbon bo‘ldi, yana olti nafari yaralandi. Bu haqda "TASS" xabar tarqatmoqda.

Jabrlanganlarning ahvoli hozircha noma’lum. Ma’lumotlar aniqlanmoqda.

Eslatib o‘tamiz, avvalroq Donesk markazi 22 sentyabr kuni ommaviy o‘qqa tutilgani xabar qilingandi. Xususan, shahar bozori shikastlangan, yo‘lovchi avtobusi vayron bo‘lgan. Mahalliy hokimiyat ma’lumotlariga ko‘ra, avtobusda kichkina bola bo‘lgan, u vafot etgan.