Bugun Munavvara Abdullayeva tavallud topgan kun

O‘zbekistonda xizmat ko‘rsatgan yoshlar murabbiysi, professor, Munavvara Abdullayeva 1950 yil 5 aprel kuni Farg‘ona viloyati Marg‘ilon shahrida tavallud topgan.

1975 yilda N.Ostrovskiy nomidagi Toshkent teatr va rassomchilik institutini tamomlagan. 1978 yilda Lunacharskiy nomidagi Moskva davlat teatr san’ati institutini aspiranturasini tamomlagan. Shu yili M.Uyg‘ur nomidagi Toshkent davlat san’at instituti dosenti unvonini olgan.

Ustoz san’atkor ijodi davomida “Kichkina tabib”, “Osmondagi bolalar 2”, “Arosat”, “Muhabbatim-qismatim”, “O‘yin”, “Issiq non”, “Baxt uyi”, “Osmon yaqin”, “Qovun”, "Qodirxon", "Sensiz" kabi filmlarda o‘ziga xos rollarni ijro etgan. Aktyorlik mahoratidan dars berib, ko‘plab shogirdlarni yetishtirgan.