Boeing 2023 yilda 2000 ga yaqin xodimini ishdan bo‘shatmoqchi

Amerikaning Boeing samolyot ishlab chiqaruvchisi 2023 yilda ikki mingga yaqin xodimini qisqartirishni rejalashtirmoqda. Bu haqda The Seattle Times nashri xabar berdi.

Aniqlik kiritilishicha, ishdan bo‘shatishlar birinchi navbatda moliya bo‘limi va kadrlar bo‘limi xodimlariga taalluqlidir. Ishdan bo‘shatilganlarning ba’zi funksiyalari Hindistonning Tata Consulting Services kompaniyasiga topshirilishi kutilmoqda.

Kompaniyaning aloqa bo‘yicha katta direktori Mayk Fridman bo‘lajak o‘zgarishlarni "ish jarayonini optimallashtirish" deb tushuntirdi. "Vaqt o‘tishi bilan ba’zi bo‘limlarimiz ancha katta bo‘lib qoldi. Va bu kengayish bilan ularning ishini samarasiz qiladigan byurokratiya paydo bo‘ladi", dedi u. Bundan tashqari nashrga ko‘ra, kompaniya xodimlarning 10 foizini kam ishlayotganlar sifatida tasniflash uchun yillik xodimlarning ish faoliyatini baholashni tayyorlaydigan menejerlarga talablar qo‘ygan.

Avvalroq tibbiy asbob-uskunalar va maishiy texnika bozorida jahon yetakchisi Royal Philips kompaniyasi olti ming xodimini qisqartirishi haqida xabar berilgan edi. Kompaniya 2025 yilgacha ishdan bo‘shatish jarayonini yakunlashni rejalashtirmoqda.