Bektemir Meliqo‘ziyevning kamar himoya jangiga 4 kun qoldi
Professional bokschimiz Bektemir Meliqo‘ziyev (13-1, 10 KO) 20 aprel (bizning vaqt bilan 21 aprel tongi) kuni o‘zining 15-jangini o‘tkazadi.
Ikkinchi o‘rta vazn toifasida WBA Inter-Continental kamari sohibi bo‘lib turgan charm qo‘lqop ustamiz shu kuni fransiyalik Pyer Yuber Dibombe (22-0-1, 12 KO)ga qarshi ringga ko‘tariladi. Bo‘lajak jangda Meliqo‘ziyev o‘ziga tegishli kamarni himoya qiladi.
Ma’lumot uchun, Nyu-Yorkda o‘tadigan katta boks oqshomining markaziy jangi birinchi yarimo‘rta vazn toifasi chempionligi uchun Devin Xeyni va Rayan Garsiya o‘rtasida bo‘lib o‘tadi. Ushbu prof boks oqshomi DAZN PPV pullik platformasida translyasiya qilinadi.
Bugun tunda bokschilar ishtirokidagi rasmiy tadbirlar boshlanadi:
18 aprel, soat 01:00 - bokschilar ishtirokidagi ochiq mashg‘ulot
18 aprel, soat 23:00 - bokschilar ishtirokida matbuot anjumani
19 aprel, soat 23:00 - vazn o‘lchash hamda face to face marosimlari
21 aprel, soat 01:35 - boks oqshomining boshlanishi
21 aprel, soat 05:00 - boks oqshomining asosiy kardi
