Bayden: Putin aniq urush jinoyatlarini sodir etgan

AQSh prezidentining fikricha, Gaagadagi Xalqaro jinoiy sud Vladimir Putinni hibsga olish uchun order berganini asosli.

"Biroq, muammo shundaki, bu butun dunyoda tan olinmaydi, jumladan, bizning mamlakatimizda ham tan olinmaydi. Lekin menimcha, bu juda kuchli bayonot", - deya Jo Baydenning so‘zlarini keltiradi Reuters agentligi.

Ma’lumot o‘rnida, Xalqaro jinoiy sudning qarorlari uni 1998 yilda tashkil etgan xalqaro shartnoma – Rim statutini imzolagan davlatlar uchun majburiydir. Gap 123 ta davlat haqida bormoqda. Biroq, ular orasida Qo‘shma Shtatlar ham, Rossiya ham yo‘q.