Astronomlar ilk bor ulkan qora tuynukning «tushligi»ga guvoh bo‘ldi
Astrofiziklar ilk bor Parizod yulduzlar turkumidagi uzoq galaktika markazidagi ulkan massali qora tuynuk atrofining mukammal suratlarini oldi va u qanday qilib gaz va chang bulutini «eb qo‘yganligi»ga guvoh bo‘ldi. Bu haqda Nature jurnali xabar bermoqda, deb yozadi «daryo.uz».
«GRAVITY qurilmasi ilk bor boshqa galaktika markazidagi qora tuynuk atrofidagi gaz bulutlari qanday ko‘rinishda ekanligini ko‘rish imkonini berdi. Biz gaz haqiqatan ham joyida turmasligi va bahaybat singulyarlik atrofida aylanishini ko‘rsatdik», — deya hikoya qiladi Garxing (Germaniya) yerdan tashqaridagi fizika institutidan Ekxard Shturm.
Ulkan massali qora tuynuklar deyarli har qanday galaktika markazida mavjud. Ular vaqti-vaqti bilan yulduzlar, boshqa osmon jismlari va gazlarni yutib yuboradi.
