«Agar dushmanni qurollantirsangiz, javob kuting»: Lavrov G‘arb davlatlariga tahdid qildi
Rossiya G‘arbning har qanday dushmanona harakatlariga simmetrik javob beradi. Bu haqda Rossiya tashqi ishlar vaziri Sergey Lavrov aytgan intervyudan bir parcha jurnalist Pavel Zarubin tomonidan Telegram’da e’lon qilingan;
«Agar siz bizning dushmanimizni qurollantirsangiz, sizning dushmanlik harakatlaringizga qanday javob berishni o‘zimiz hal qilamiz», dedi vazir. Uning so‘zlariga ko‘ra, Moskva G‘arbga shunday signal yubormoqda.
Vazirning qo‘shimcha qilishicha, u yerda ( G‘arbda - tahr. ) Rossiya prezidenti Vladimir Putinning so‘zlarini eshitganiga shubha qilmasligini aytdi . Bir kun avval davlat rahbari Ukrainaga qurol yetkazib berilishiga javob sifatida dunyoning boshqa mintaqalariga qurol yuborishni istisno etmadi, deya esladi Lavrov.
Uning fikricha, G‘arbda hamon radikal elektoratni rozi qilish uchun emas, balki tahlil qilishni biladiganlar bor. «Ular xulosa chiqaradilar», deb umid qildi Lavrov.
Eslatib o‘tamiz, avvalroq Rossiya prezidenti Vladimir Putin bir qator G‘arb davlatlarining Ukraina Qurolli kuchlariga Rossiya Federasiyasi hududida qurol qo‘llashga ruxsat berish haqidagi qaroriga izoh berar ekan, Moskva javob choralari tayyorlanayotganini ma’lum qilgandi. Boshqa narsalar qatorida, «Rossiyaga qarshi buni amalga oshiradigan mamlakatlarning nozik nishonlariga hujumlar amalga oshiriladigan dunyoning mintaqalariga» qurol etkazib berish varianti ko‘rib chiqilmoqda.
