Хоразм вилоятида сайёр қабул ўтказилди

Соҳага оид муаммоларни жойида ўрганиш, ҳал қилиш ҳамда зарур маслаҳат, йўл-йўриқлар кўрсатиш мақсадида Билимни баҳолаш агентлиги томонидан сайёр қабуллар ташкил этилмоқда.

Навбатдаги сайёр қабул 2024-йил 17-арел куни Билимни баҳолаш агентлиги директори Каримов Маджит Маликович иштирокида Хоразм вилоятида ўтказилди.

Мазкур тадбир Ўзбекистон Республикаси Президентининг Хоразм вилоятидаги Халқ қабулхонасида аҳоли вакиллари, ёшлар, мактаб битирувчилари ва уларнинг ота-оналари учун ташкил этилди.

Сайёр қабул давомида Билимни баҳолаш агентлиги фаолиятига тегишли масалалар билан мурожаат қилган фуқаролар шахсан қабул қилиниб, кўтарилган масалаларни ҳал қилишга яқиндан ёрдам берилди.