Холанд Премьер-лигада мавсумнинг энг яхши тўпурари бўлди

"Манчестер Сити" ҳужумчиси Эрлинг Холанд 2022/23 йилги мавсумда Премьер-лиганинг энг яхши тўпурари бўлди.

Англия Премьер-лигасининг якунланган мавсумида 22 ёшли норвегиялик 35 ўйинда 36 та гол урди ва чемпионатнинг энг яхши тўпурари бўлди. "Тоттенхэм" ҳужумчиси Харри Кейн 38 ўйинда 30 гол билан иккинчи ўринда. Кучли учликни "Брентфорд" футболчиси Айван Тони 33 ўйинда 20 та гол билан якунлади.

Қўшимча қиламизки, "Манчестер Сити" муддатидан аввал Англия чемпиони бўлди, Холанд эса аввалроқ Премьер-лигада бутун мавсумнинг энг яхши ёш футболчиси ва энг яхши футболчиси сифатида тан олинганди. Қайд этиш жоизки, тарихда биринчи марта бир футболчи бир мавсумда бу икки совринни қўлга киритмоқда.