Хитой Россия автомобиль бозорини эгаллаб олмоқчи
2024 йилда Хитой Россияда ҳам экспорт, ҳам Россия заводларида ишлаб чиқаришни кенгайтириш ҳисобига 1,2 миллион дона автомобиль сотиш ниятида, деб ёзади «Ведомости».
Chery концерни келгуси йилда Россияда 200 минг, Changan - 180 минг, Haval - 150 минг ва Geely - 110 минг автомобиль сотмоқчи.
«Haval» концерни ҳозирда Россияда ўз ишлаб чиқариш заводига эга ягона ҳисобланади. Ҳозирда қуввати 80 минг автомобилни ташкил этади, бироқ уни йилига 150 мингтагача кенгайтириш режалаштирилган. Geely компаниясининг Беларусда заводи бор.
2023 йилда Россияда Хитой автомобилларининг ўртача нархи 3,14 миллион рублни ташкил этди.
Хитой Украинага қарши кенг кўламли тажовуз бошланганидан кейин Россияни тарк этган Ғарб брендларининг Россия бозоридан чиқиб кетишидан фойдаланмоқда.
