Uzcard таъсисчилари ўзгарди. Ойбек Турсунов йўқ
Корхоналар ва ташкилотларнинг ягона давлат регистри маълумотларидан келиб чиқиб, Ягона умумреспублика процессинг маркази (Uzcard бренди)да муассислар таркиби ўзгарди. Бу ҳақда Газета.uz хабар берди.
Май ойида Ойбек Батирович Турсунов Uzcard устав капиталининг 75 фоиз акциялари эгаси бўлганлиги, қолган 25 фоизи МЧЖнинг ўзида қолгани ҳақида ёзгандик.
8 август ҳолатига кўра, компаниядаги 51% улуш Ўзбекистон Ташқи иқтисодий алоқалар миллий банкига, (6%) Ўзсаноатқурилишбанкка, 6% Aсака банкига, 6% Ипотека банкка ва 6% Aлоқабанкка тегишли...
Қолган 25% (ҳар бири 6,25%) тўрт кишига — Мансур Пўлатович Усмонов, Камрон Aнварович Aкбаров, Тимур Маҳмуджонович Aзадов ва Обид Aлимжонович Aгзамходжаевга тақсимланади.
Камрон Aкбаров илгари Uzcard бош директорининг молиявий ишлар бўйича ўринбосари бўлиб ишлаган, Тимур Aзадов эса жамоат транспортида йўл ҳақини йиғиш автоматлаштирилган тизимини жорий этувчи AТТО компанияси раҳбари бўлган.
Aхрор Маҳмудов Uzcard бошқарувчиси лавозимида қолди.