Ўрта Чирчиқ туманидан ўтувчи йўлда Damas ёниб кетди (ФОТО)
19 март куни Тошкент вилояти Ўрта Чирчиқ тумани ҳудудидан ўтувчи Тошкент—Нурафшон автомобиль йўлининг 22-километрида Damas автомобили ёниб кетди. Бу ҳақда ИИВ ЙҲХББ ахборот хизмати хабар берди.
Соат 17:30 ларда ҳайдовчи Б.А. бошқарувида бўлган Damas русумли транспорт воситасида ёнғин содир бўлган. Воқеа жойига ўт ўчирувчилар етиб келган ва ёнғин бартараф этилган.
Фото: ИИВ ЙҲХББ ахборот хизмати
«Ёнғин натижасида тан жароҳати олганлар йўқ. Транспорт воситаси салони ва техник қисмлари ёниб кетган. Ёнғин юзага келиш сабабларига аниқлик киритилмоқда», — дейилади хабарда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
