Украина Қуролли Кучлари Россия сув ости кемаси чўкиб кетганини эълон қилди
Украина Қуролли кучлари баёнотига кўра, Севастопол портида бўлган Россия Қора денгиз флотининг «Ростов-на-Дон» сув ости кемаси муваффақиятли уриб туширилган ва дарҳол чўкиб кетган.
Украина Қуролли кучлари Бош штаби, шунингдек, Қрим яриморолидаги Россиянинг С-400 зенит-ракета мажмуаси муваффақиятли йўқ қилингани ҳақида хабар берди. Бу ҳақда бош қароргоҳнинг Facebook'даги саҳифасида эълон қилинган баёнотда айтилади.
Илгари Ростов-Дон сув ости кемаси 2023 йил 13 сентябрда Украина ракета ҳужуми натижасида жиддий зарар кўрган эди.
Баёнотда, шунингдек, Украина ракета ва денгиз кучлари жума куни тўртта «Триумф» ҳаво ҳужумига қарши мудофаа тизими учиргичларига жиддий зарар етказганлиги қўшимча қилинган.
Россия бу баёнотларга ҳозирча жавоб бермади.
