Украина қарши ҳужум олдидан Россия мудофаасига босимни ошириш учун бир қатор "шакллантирувчи операциялар"ни бошлади

Украина қарши ҳужум олдидан Россия мудофаасига босимни ошириш учун бир қатор "шакллантирувчи операциялар"ни бошлади. Бу ҳақда Financial Times хабар берди.

Кремлга учувчисиз зарбалар, Белгород вилоятида диверсантларнинг рейди, Қора денгиз флотининг Иван Хурс кемасига ҳужум (ва, эҳтимол, бугунги кунда Москвага учувчисиз самолёт ҳужуми) Украина қуролли кучлари томонидан амалга оширилган бир қатор "шакллантириш операциялари" нинг бир қисмидир, деб ёзмоқда Financial Times. Нашрнинг қайд этишича, кучлар май ойида режалаштирилган қарши ҳужумга тайёргарлик кўришни бошлаган.

Аввалроқ CNN Украина Қуролли кучларининг "шакллантирувчи операциялари" ҳақида ёзган эди. Бундай операцияларнинг мақсади душманни алдаш, унинг учун ноаниқлик ҳолатини яратиш, ресурсларни тарқатиб юборишга мажбурлаш ёки унинг тафаккурига ўзгача таъсир кўрсатиш орқали йирик ҳужум олдидан жанг майдонини "шакллантириш", деб тушунтиради газета.

"Бундай операциялар кўзбойлағичларнинг фокусига ўхшайди: улар томошабинни алдайди ва эътиборини бошқа томонга йўналтиради", — дейди Америка замонавий уруш институтида ишлайдиган собиқ АҚШ армияси майори Жон Спенсер.

Ғарб таҳлилчиларига кўра, Украина Россиянинг ҳарбий салоҳиятини йўқ қилишга қаратилган мақсадли ҳужумлар билан бирга "шакллантириш операцияларини" давом эттиради. "Украиналиклар синовдан ўтказиб, тадқиқ қилиш орқали қайси усул қўл келиши ёки ишламаслигини аниқлашмоқда", — деди FTга исмини ошкор этмаган Ғарб расмийси.‌‌