Украина армияси ҳужумларини давом эттирмоқда

Курск вилоятидаги ҳужумда собиқ маҳкумлар иштирок этмоқда, деди «Алекс» чақирув белгили Украина Қуролли кучлари офицери.

Унинг сўзларига кўра, бундай жангчилардан ташкил топган бўлинмалар ўзларига берилган барча топшириқларни ҳеч қандай изоҳларсиз бажаради ва жангларда яхши ҳаракат қилади.

Улардан баъзилари логистика йўллари орқали олға интилмоқда, бошқалари эса «таъсир зонаси»ни кенгайтирмоқда, деб таъкидлади манба.

Украина ҳарбийлари Россиянинг Курск вилоятида Ка-52 вертолётини уриб туширган. Украина телеграм-каналлари хабарига кўра, вертолёт яқин масофадан кўчма зенит-ракета мажмуаси томонидан уриб туширилган.

Бу Украина Қуролли кучлари томонидан Курск вилоятидаги ҳужум пайтида уриб туширилган иккинчи Ка-52 вертолётидир.

Шунингдек, Украина қуролли кучлари Курск вилоятида рус қўшинларининг танк пистирмасини йўқ қилган.

Украина оммавий ахборот воситаларининг ёзишича, жанглар бугун эрталаб содир бўлган.