Тошкентда ўз қизи томонидан ҳайдалган ота МИБ орқали уйга киритилди

Тошкент шаҳар Шайхонтоҳур туманида ўз қизи томонидан ҳайдалган ота МИБ орқали уйга киритилди.

Маълум қилинишича, бюронинг Шайхонтоҳур туман бўлими иш юритувидаги ижро варақасига асосан, аризачи А.Х.нинг жавобгари унинг қизи А.К.га яшаб турган низоли Шайхонтоҳур тумани, Чорсу мавзесидаги манзилда жойлашган хонадонга киритиш ва у ердаги ёрдам хўжаликларидан фойдаланиш ҳуқуқи белгиланган.

Мазкур иш бўйича давлат ижрочиси томонидан ота ўз хонадонига киритиб қўйилди ҳамда унинг уйдан фойдаланиш ҳуқуқи юзасидан қизига тушунтириш берилди ва ижро иши тамомланди.