“Тошкент метрополитени” “Ўзбекистон темир йўллари” таркибидан чиқарилади

“Тошкент метрополитени” УК “Ўзбекистон темир йўллари” АЖ ташкилий тузилмасидан чиқарилади. Бу ҳақда  Президентнинг тегишли қарор лойиҳаси жамоатчилик муҳокамасига қўйилди.

Метрополитен "Ўзбекистон темир йўллари" таркибига 1997 йил киритилган.

Шунингдек, қонун лойиҳасида Транспорт вазирлиги Тошкент шаҳар транспорт бошқармаси негизида Тошкент шаҳар транспорт бош бошқармасини ташкил этиш белгиланган.

Қонун ҳужжати муҳокамаси 4 мартгача давом этади. Унгача ҳужжатга қўшимча ва ўзгартиришлар киритилиши мумкин.

Метрополитен биринчи бор Ўзбекистон темир йўллари таркибига 1997 йил кирган бўлиб 24 йил давомида унинг назорати остида ишлаган.